Liburuzainak zaldi gainean

1935etik 1943ra, Estatu Batuetako Apalache mendikate handiko eskualde bat liburuz bete zen. Meritua, kasu honetan, emakume-talde batena izan zen: Roosevelt presidentearen gobernuak kontratatu zituen Depresio Handiaren garaian, liburuzain-lanak zaldi gainean egin zitzaten. Elurretan, euritan edo eguzki kiskalgarriaren azpian, zelaren gainera igo, eta nekaezin jardun zuten herrixkarik eta etxolarik urrunenetara bidean. Etxera itzultzera zihoazenean, eskaera bat egiten zieten: "Ez ahaztu, mesedez! Ekarri liburu bat!". Izan ere, bizimodu hain gogorreko leku haietan, liburuak ate eta leiho bihurtu ziren, leku berrietarako bidaia, bihotzarentzako pizgarri, eguneroko zailtasunei itxaropenez aurre egiteko elikagai.