HISTORIA DA LITERATURA GALEGA, 1. DAS ORIXES A 1853


AUTHOR:	PENA, XOSé RAMóN
PUBLISHER:	EDICIóNS XERAIS
SERIES:	UNIVERSITARIA
ISBN:	9788499145518
EDITION:	1
PHYSICAL DESCR.:	440 p. 24 cm
PUBL. DATE:	2013-09-15
LANGUAGE:

$ 27.00

According to
publisher's response

Coa presente Historia da Literatura Galega, da que este é o primeiro volume dos catro que conformarán a obra, preténdese configurar un relato coherente e eficaz da produción literaria de noso dende a Idade Media até a actualidade da man de Xosé Ramón Pena, un autor de indubidable prestixio no eido da historia da literatura e en permanente diálogo crítico coas diferentes perspectivas da análise investigadora. Entender os textos literarios como un proceso artístico e comunicativo e, en consecuencia, analizar aqueles recursos retóricos dos que se serviron os seus creadores; comprender a literatura como unha herdanza e examinar as circunstancias sociais e políticas que rodean o nacemento, desenvolvemento e recepción das obras; considerar a propia traxectoria das creacións literarias en relación co devir da ferramenta lingüística que lles dá soporte: velaí a arela que guía as páxinas deste primeiro volume da Historia da Literatura Galega. Un tomo, Das orixes a 1853, dedicado ao longo período que vai desde o medievo, coa brillante etapa dos trobadores, pasando polo tempo dos denominados Séculos Escuros, para finalizar no ano de publicación d’A Gaita Gallega de Xoán Manuel Pintos, nos inicios do Rexurdimento.

LITERATURE > Romance literatures > Galician literature.